skip to Main Content
Меню
Джеоргуыбайы хорзах уæ уæд!

Джеоргуыбайы хорзах уæ уæд!

О, Уастырджи, Табу та дын кæнæм,
Нæ кæстæртæн цæстуарзон арфæ ракæн.
Дæумæ кувæг, дæуæй курæг ыстæм,
Ирыстоны дæ базыры бын бакæн.
 
Фыдæй фыртмæ нын адджын у дæ ном,
Нæ номæй та дæ рæсугъд зæрдæ райæд.
Куы фæдзурыс Хуыцауимæ æргом —
Ирон лæг-иу дæ худгæ цæстыл уайæд.
 
Фæндыры зæлтæ ивылæнд нæ Ирыл!
Кæстæр куыд кæна хистæрæн æгъдау!
Кæнæд фæндаг нæ Ирыстон мæ риуыл,
Нæ йын кæнын мæ зæрдæ дæр æвгъау.
 
Мæ райгуырæн зæхх царды уæз æрхонын,
Мæ уарзт зæгъын нæ бауыдзæн дзырдтæй.
Фæлæ бæлвырдæй иунæг хъуыддаг зонын —
Фæцæрын мын æнæ Ирыстон нæй!
 
 
Хуытыгаты Хъазыбег

Добавить комментарий

Ваш e-mail не будет опубликован. Обязательные поля помечены *

Back To Top
Close search
Поиск